A Escola de Música de Salcedo abre o prazo de matriculación no curso 2010/2011, continua lendo para ver o comunicado de prensa .

A Escola de Música de Salcedo abre o prazo para as matrículas do curso 2010/2011 o vindeiro xoves 26 ata o martes 31 de agosto. Aínda que as matrículas están abertas durante todo o ano, establécense estas datas para que os rapaces poidan iniciar ó principio do curso, o cal comezará o xoves 2 de setembro.

As matrículas poderán realizarse na oficina da escola, na rúa Cruceiro nº 6 de Salcedo, de 18:00 h. a 20:00 h. os días laborais e o sábado de 11:00 h. a 13:00 h. ou ven a través da páxina web: www.bandamusicasalcedo.tk, onde poderán descargar o impreso de matrícula, cubrilo e envialo por correo electrónico a: [email protected]hotmail.com . Quen teña algunha dúbida poderá chamar o seguinte número: 678 232 879.

A presentación do curso terá lugar o mércores 1 de setembro na sede da Escola, onde o Presidente da Asociación e mailo Director da Escola daranlles unhas pequenas instrucións ós alumnos e ós pais, e seguidamente poderán facer as eleccións de horarios cos respectivos mestres.

A oferta formativa deste ano académico abrangue as seguintes materias de carácter colectivo: Música e Movemento, Linguaxe Musical, Linguaxe Musical Adultos, Análise, Armonía, Canto Coral, Gaita e Percusión Tradicional, Grupo Percusión; e de carácter individual: Oboe, Frauta, Clarinete, Saxofón, Fagot, Trompeta, Trompa, Trombón, Bombardino, Tuba, Violonchelo, Contrabaixo, Percusión, Piano, Piano Complementario, Gaita, Percusión Tradicional.

Cabe sinalar a inclusión de das novas materias como Linguaxe Musical Adultos e Gaita e Percusión Tradicional, coas cales se pretende cubrir unha gran demanda dun sector máis adulto. Tamén como novidade destacan as materias de instrumentos de corda: Violonchelo e Contrabaixo, que ata o de agora tiñan unha escasa oferta formativa.

Toda esta materias contan con prezos populares grazas ás axudas achegadas polas distintas administracións, así como pola propia Asociación, intentando desta maneira achegar a música ó pobo.

Nas vindeiras semanas tamén será presentado un novo proxecto da Escola de Música denominado Música nas Parroquias, o cal consistirá en impartir a materia de Música e Movemento, dirixida ós máis pequenos, nas distintas parroquias da comarca de Pontevedra. Este proxecto está cofinanciado principalmente polo Concello de Pontevedra.